O Programa Prensa-Escuela celebrará do 10 de novembro ao 5 de decembro un curso de blogs de carácter avanzado co obxectivo de dotar ao profesorado xa iniciado no uso desta ferramenta de novos recursos e estratexias para optimizar as posibilidades técnicas e pedagóxicas do blog no ámbito educativo.
O curso, totalmente gratuíto e homologable pola Consellería de Cultura, Educación e Ordenación Universitaria impartirase integramente en rede a través da aula virtual do programa e permitirá aos participantes facer un uso avanzado da plataforma Wordpress así como explorar as posibilidades das teorías do aprendizaxe cooperativo, as intelixencias múltiples e a creatividade como ferramentas para mellorar o aprendizaxe do alumnado.
O taller contará, ademais, co asesoramento dun titor especializado que será o encargado de proporcionar aos docentes a orientación e os recursos necesarios para que podan crear e dinamizar o seu proxecto dixital utilizando as noticias como ferramenta didáctica.
Os interesados en inscribirse nesta actividade, deberán enviar un correo electrónico a prensa-escuela
lavoz [dot] es e facilitar os seguintes datos:
- nome e apelidos
- centro ao que pertencen
- DNI
- dirección de e-mail
- teléfono de contacto
O prazo máximo de recepción de solicitudes finaliza o 5 de novembro.
Para máis información consultar o enlace web aportado.
